لدویف ڕێنمایێن وەزارەتا خواندنا بلند و ڤەکۆلینێن زانستی یا ژمارە (5324) ل ڕێکەفتی (1/6/2020) سەبارەت ب دووماهیک ئینانا سالا خواندنێ (٢٠١٩- ٢٠٢٠)، لپەی دەستهەلاتداریێن جڤاتا زانکۆیێ بریار هاتە دان ب جێبجێکرنا ڤان ڕێنمایان ب شێوەیێ لخوارێ دیارکری:

1- سیستەمێ سالانە (کەواتە قوتابیێن قوناغا چوارێ بۆ سپێدەهیان وقوتابیێن ئێڤاران)

a. پێدڤیە لسەر قوتابیێن قوناغا ئێکێ ئێڤاران هەتا (٢٥/٦/٢٠٢٠) هەمی ڕاپورت و ئەرک وچالاکیێن ژێ دهێنە داخازکرن بهێنە ئەنجامدان ب شێوەیێ ئەلەکترۆنی بۆ مەرەما بدەستڤە ئینانا نمرا کوشش (سعي). بەرۆڤاژی بابەت دێ هێتە ڤەگوهاستن بۆ سالا خواندنێ (٢٠٢٠-٢٠٢١).

b. نمرا کوشش دێ بیتە بنەما بۆ دەرچوون یان دەرنەچوونا قوتابی.

c. ئەگەر قوتابیەک دەرنەچوو ل نمرا کوشش یان دەرچوویە و دڤێت ڕاپورتەک زانستی پێشکێش بکەت ب مەرەما بەرزکرنا نمرا خۆ، نمرا کوشش دێ ژ (٥٠٪) هێتە هژمارتن ونمرا ڕاپورتێ ژ (٥٠٪) هێتە هەژمارتن.

d. شێوازێ چارچووڤە کرنا ڕاپورتا زانستی دێ هێتە دەستنیشان کرن ژلایێ پشکێ و ماموستایێ بابەتی ڤە.

2- سیستەمێ بۆلۆنا و وەرزی

a. پێدڤیە لسەر قوتابیان هەتا (٢٥/٦/٢٠٢٠) هەمی راپورت و ئەرک وچالاکیێن ژێ دهێنە داخازکرن بهێنە ئەنجامدان ب شێوەیێ ئەلەکترونی بۆ مەرەما بدەستڤە ئینانا نمرا کوشش. بەروڤاژی بابەت دێ هێتە ڤەگوهاستن بۆ سالا خواندنێ (٢٠٢٠-٢٠٢١).

b.ئەرک وچالاکێێن ژ لایێ قوتابی ڤە هاتینە ئەنجامدان بۆ هەر بابەتەکێ ژ سێمێستەرێ بهارێ، دێ بیتە بنەما بۆ نمرا کوشش و دێ ژ (٥٠٪) هێتە هژمارتن.

c. ئەنجامدانا ڕاپورتەکا زانستی ژ لایێ قوتابی ڤە بۆ هەر بابەتەکێ کو بهێتە هەژمارتن بۆ هەلسەنگاندنا قوتابی بۆ بدەستڤەئینانا نمرا دووماهیا سالێ. بۆ زانین ئەڤ ڕاپورتە ژ (٥٠٪) دێ هێتە هەژمارتن.

d. شێوازێ درۆستکرن و ڕادەستکرنا ڕاپورتا زانستی دێ هێتە دەستنیشانکرن و ڕاگەهاندن ژلایێ پشکا زانستی ڤە.

e. بۆ هەر ڕاپورتەکا زانستی، روژەک تایبەت دێ هێتە دەستنیشان کرن بۆ دروستکرن و رادەستکرنا ڕاپورتێ ژلایێ قوتابی ڤە. پێدڤیە قوتابی پابەند بیت ب وێ ڕوژ و دەمێ دهێتە دەستنیشانکرن ژلایێ پشکا زانستی ڤە.

تێبینی:

- پێدڤیە قوتابیێن پارالێل وئێڤاران قستێن خۆ ڕادەستی هوبا ژمێریاری ل کۆلیژ و فەکەلتیێن خۆ بکەن، بەرۆڤاژی بەشداری ڤێ پروسێسێ نابیت و ئەنجامێن دووماهیێ وەرناگریت.

- ماموستایێ بابەتی و پشکا زانستی ماف هەیە دیفچوون وپەیوەندیێ ب قوتابی بکەت بۆ مەرەما دلنیابوونێ ژ گزی وکوپیکرنا ڕاپورتێ، لەورا پێدڤیە قوتابی یێ بەرهەڤبیت.

- پێدڤیە قوتابی بەردەوام پەیوەندیێ ب پشکا خۆ یا زانستی بکەت ژبۆ بدەستڤەئینانا پێزانینێن پێدڤی.